O que estamos nós a levar a cabo nos colexios coa implantación deste proxecto innovador baséase en que nós pretendemos propiciar un círculo virtuoso entre a infancia, a bicicleta e o ámbito urbano. Os hábitos que se adquiren de neno perduran, xeralmente, na idade adulta. Se asumen como "natural" unha vida ligada ao coche, de maiores demandarán o seu uso e deixarán de lado outros medios (transporte público, bicis). Algúns procesos, como este, que parecen irreversibles pódense intentar cambiar. En moitas cidades europeas (Hamburgo, Copenhague, Sevilla, París, Barcelona) emprendéronse iniciativas para tratar de dar a volta a realidades urbanas insostibles.
O noso proxecto nace con vocación integradora, non pretende ser unha guía pechada que veña imposta senón un compendio de ideas, iniciativas e eventos que se poden poñer en práctica, transformar, mellorar e enriquecer. Cada cidade, cada barrio e cada centro educativo son distintos, por iso haberá que adaptar as propostas e os seus contidos.
O proxecto ten, tamén, unha clara dimensión social e participativa. Parécenos importantísimo que a protagonista da campaña sexa a cidade no seu conxunto, que todos e todas (institucións, persoas) asumamos a necesidade de mellorar as nosas condicións de mobilidade para facer os nosos desprazamentos máis cómodos, rápidos e seguros. En definitiva, tratar de converter as nosas aldeas,vilas e cidades en lugares para vivir, non só para circular.
Dado o carácter integrador, social e participativo do proxecto será importante, pois, tratar de implicar a distintos colectivos e institucións: centros educativos (protagonistas da campaña), concellos, Policía Municipal, hospitais e centros de saúde, asociacións, etc.
Con esta campaña queremos actuar a DOUS niveis:
INFORMACIÓN CIDADÁN